Únete á familia Aspanaes

Os Estatutos de Aspanaes identifican tres tipos de persoas asociadas:

1. Persoas Asociadas de número: Poderán pertencer, como persoas asociadas de número, á Asociación e en todo caso con carácter voluntario, as persoas con Autismo ou con necesidades de apoio similares ou os seus representantes legais (pai, nai, titor/a).
2. Persoas Asociadas colaboradoras: son aquelas persoas físicas que, a petición propia e por non ter os requisitos que establece o punto anterior, ou a designación da Xunta Directiva pola súa especial contribución a realizar os fins da Asociación, contribúen ben coa prestación de determinados servizos, ben mediantes axudas económicas ou materiais, e que voluntariamente así o acepten.
3. Persoas Asociadas de honra: as persoas físicas ou xurídicas designadas pola Asemblea Xeral, a proposta da Xunta Directiva, nas cales se aprecien circunstancias ou méritos relevantes que redunden no servizo ou beneficio dos fins sociais e que acepten voluntariamente.

De acordo con o artigo 22, punto oitavo dos Estatutos de Aspanaes, é función da Xunta Directiva da Asociación aprobar as solicitudes de admisión das novas persoas asociadas.