O servizo de Atención Diúrna de Castelo está situado nunha área rural a poucos quilómetros de Carral. Dispón dun servizo de transporte privado, xestionado por Aspanaes.
O centro conta cun xardín accesible en terrazas, e un espazo biosaudable con aparellos de exercicio. Dispón así mesmo dun invernadoiro, habilitado con mesas de cultivo que facilitan o traballo de todas as persoas participantes na actividade do horto.
O edificio, orixinalmente habilitado como escola unitaria rural, se enorgullece de ser o primeiro centro de Aspanaes. Conta con cinco amplas aulas, ascensor, comedor, dous despachos e sete baños, ademais dunha sala de estimulación multisensorial.
Actividades destacadas
Programa de Saúde
Centrado en facilitar o acceso das persoas usuarias aos servizos médicos, establecendo programas para o uso de máscara, revisións médicas, analíticas, simulacións odontolóxicas…
Programas culturais
En colaboración coa Fundación María José Jove desenvolvemos programas culturais de diverso tipo, destacando, as actividades nas exposicións permanentes e temporais, ou o programa “Axuda na praia”.
Actividades musicais
En colaboración desde hai anos coa asociación Demusicade, que ofrece pequenos concertos no propio centro ou actividades no Palacio de Opéraa, entre outras
























